اسلام آباد: (ويب ڊيسڪ) سپريم ڪورٽ ۾ سينيٽر فيصل واوڊا جي پريس ڪانفرنس بابت پاڻمرادي نوٽيس جي ٻڌڻي اڄ ٿيندي. چيف جسٽس آف پاڪستان قاضي فائز عيسيٰ جي سربراهي ۾ 3 رڪني بينچ اڄ ٻڌڻي ڪندي. ان کان اڳ نيب ترميمن کي ڪالعدم قرار ڏيڻ خلاف اپيل تي ٻڌڻي دوران جسٽس اطهر من الله اٽارني جنرل کي مخاطب ٿيندي رمارڪس ڏنا ته اسان کي چيو پيو وڃي ته پگڙين کي فٽبال بڻايو ويندو، جيڪي ماڻهو ائين چون ٿا اهي اصل ۾ پاڻ کي بي نقاب ڪري رهيا آهن توهان جي پراکسيز ذريعي اسان کي ڌمڪيون ڏئي رهيا آهيو.
