ٺل(ويب ڊيسڪ) ٺل ڀرسان ڳوٺ سڪندر خان بنگلاڻي جا رهواسي 3 ڳوٺاڻا ڪنڌڪوٽ ويندي چئن ڏينهن کان پراسرار نموني گم ٿي ويا آهن جنهن کان پوءِ گم ٿي ويلن جي وارثن اغوا جو شڪ ظاهر ڪري ڇڏيو آهي. ٺل جا رهواسي حبيب الله پٽ وليداد بنگلاڻي۔ حبيب پٽ بابل بنگلاڻي، منٺار پٽ صحبت ڪنراڻي هڪ مستري ساڻ ڪري مينهن وٺڻ ويا جنهن جو 4 ڏينهن گذرڻ باوجود رابطو ڪٽجي ويو آهي. وارثن پاران ٽنهي ڳوٺاڻن جي ڳولا جي تمام گهڻي ڪوشش ڪئي وئي پر ڪٿان به سندن پتو نه پئجي سگهيو آهي. وارثن ٻڌايو ته اسان جا نوجوان مينهن وٺڻ لاء ڊاٽسن سميت ڪنڌڪوٽ ويا ته واپس نه ٿيا۔اسان کي شڪ آهي ته هنن کي ڪنهن اغوا ڪيو ويو آهي، وارثن ايس ايس پي ڪنڌڪوٽ کان مطالبو ڪيو ته اسان ڪنڌڪوٽ ٿاڻي تي به وياسين پر ڪنهن به اسان جي رپورٽ نه ورتي اسان غريب آهيون ڳولا ۾ اسان جي مدد ڪئي وڃي.
