ڪنڌڪوٽ: (ويب ڊيسڪ) انڊس ھاءِ وي دڙي ڀرسان ھٿياربندن جي مسافر گاڏين تي فائرنگ رستي ويندڙ موٽرسائيڪل سوار گولي لڳڻ ڪري مارجي ويو ۽ ڪوچ جو ڪلينر زخمي ٿي پيو، جڏهن ته فوت ٿي ويل جو لاش ۽ زخمي اسپتال منتقل ڪيو ويو. ھٿياربندن جي حملي ۾ مارجي ويل جي سڃاڻپ خيرپور واسي عنايت الله تنيو جي نالي سان ٿي آهي. جڏهن ته ھٿياربند ھڪ ٽرڪ ڊرائيور کي اغوا ڪري ويا. اهڙي اطلاع تي پوليس ۽ رينجرز واقعي واري ھنڌ پھچي علائقي کي ڪڙو چاڙھي ڇڏيو، پوليس ۽ ھٿياربندن ۾ فائرنگ جاري آهي.
