مدئجي: ( م ڊ ) مدئجي لڳ وارهه پل ڀرسان اڇي مسجد وٽ سکر لاڙڪاڻو مين روڊ تي تيز رفتار ٽرالر رڪشا مٿان چڙهي ويو جنهن جي نتيجي ۾ هڪ مرد سميت 4 عورتون فوت ٿي ويون. جڏهن ته 3 ڄڻا زخمي ٿي پيا آهن. فوت ٿيلن ۾ زينب زال لڌل شيخ، فريدان شيخ. حاجرا شيخ نجمه شيخ شامل آهن. جڏهن ته زخمين ۾ وسيم شيخ، سندس زال ۽ هڪ عورت شامل آهن. هڪ ڪلاڪ تائين لاش واقعي واري هنڌ پيل رهيا ۽ زخمي روڊ تي تڙپندا رهيا پر اسپتال توڙي 1122 جي ايمبولينس واقعي واري هنڌ نه پهتي جنهن بعد رستي ويندڙ مسافر ماڻهن زخمي ۽ فوتين کي گاڏي ۾ وجهي مدئجي اسپتال پهچايو. روڊ حادثي ۾ فوت ٿيل جو تعلق رتوديرو جي ڀرسان ڳوٺ مسوديرو جا رهواسي آهن جيڪي سکر طرف وڃي رهيا هئا ته حادثو پيش آيو، مدئجي پوليس ٽرالر کي حراست ۾ وٺي ٻن ڄڻن کي گرفتار ڪري ورتو آهي.
