سکر (رپورٽر) پنوعاقل ڀرسان مسافر ڪوچ ڪلٽي ٿيڻ جي نتيجي ۾ 3 ڄڻا فوت ٿي ويا،17 کان وڌيڪ زخمي ٿي پيا پني عاقل ويجهو قومي شاھراهه تي تيزرفتار مسافر ڪوچ کاهي ۾ڪري پئي،3 ڄڻا فوت ٿي ويا ۽ 17 کان وڌيڪ زخمي ٿي پيا حادثي ۾طارق علي، شاھد علي سميت 3 ڄڻا فوت ٿي ويا، فوتي طارق جو مڙهه وارث ڪراچي کڻائي ويا جڏهن ته زخمين ۾ عائشه، ريحانه، جان محمد، ايان علي، حمزه، عزت الله، حاجي محمد، ندا، عمران علي، عليشبا ۽ ٻيا شامل آهن ٽيڪسيلا واسي فوتي شاھد جو لاش اسپتال ۾ پيل، ٽئين فوتي جي سڃاڻپ نه ٿي، زخمين مان ڪجهه جي حالت خراب ٻڌائي وئي اسپتال انتظاميا موجب ھڪ فوتي جي سڃاڻپ نه ٿيڻ ڪري نادرا جي بائيو ميٽرڪ ذريعي فنگر پرنٽس ڪرايا ويا آھن، مسافرن موجب حادثو ڊرائيور کي ننڊ اچڻ سبب پيش آيو مسافر ڪوچ ڪراچي کان پشاور طرف وڃي رھي ھئي ته سانگي ويجھو قومي شاھراهه تي حادثو پيش آيو
