فيض گنج: (رپوٽر ) فيض گنج ڀرسان سرن جي ٻٽي ڊھڻ سبب ھڪ پورھيت دٻجي فوت ٿي ويو آھي. ڪرونڊي ڀرسان ڳوٺ گواندائي پاتو ۾ سرن جي ٻٽي جي ڀت ڪرڻ سبب پورھيت مختيار اوڏ ٿڏي تي ئي فوت ٿي ويو آھي جڏهن ته سھيل شيخ ۽ ابصارڀ راجپر سخت زخمي ٿي پيا آھن. فوتي ۽ زخمين کي رورل ھيلٿ سينٽر فيض گنج منتقل ڪيو ويو جتي ٻن زخمين جي حالت پڻ نازڪ ھجڻ سبب گمس منتقل ڪيو ويو آھي. فوتي پورھيت بابت معلوم ٿيو آھي ته ھو سرن جي بٺن تي مزدوري ڪري پنھنجي ٻچن جو پيٽ پاليندو ھيو فوتي جو لاش گھر پھچڻ تي سندس گھر ۾ قھرام مچي ويو آھي.
