ڪرونڊي (رپورٽر)ڪرونڊي واسي پوليس اهلڪار ڪراچي ۾ ساٿي اهلڪار کان گولي لڳڻ ڪري شهيد ٿي ويو آهي ڪراچي جي لانڍي واري علائقي ۾ ٽريفڪ اھلڪار علي احمد کان پسٽل صفائي دوران اوچتو گولي فائر ٿي ويو. جنهن جي نتيجي ۾ ھڪ ئي گولي سان ٽريفڪ پوليس جا 2 اھلڪار زخمي ٿي پيا.زخمين ۾ گلشير سھتو ۽ فھميد شينو شامل ھئا .جنهن جي فوري طور ته ڪراچي جي جناح اسپتال آندو ويو. پر ڪرونڊي ڀرسان ڳوٺ جان محمد شينو واسي فهميد شينو زخمن جي سٽ نه سھندي ڪراچي اسپتال ۾ فوت ٿي ويو آهي .اھڙو اطلاع ملڻ تي سندس گھر ۾ ڪھرام متل آهي .شھيد اھلڪار جي وارثن ٻڌايو ته اسان کي اطلاع مليو آهي ته فهميد شينو کي پسٽل جي صفائي دوران ٻئي پوليس اهلڪار کان گولي لڳي آهي جنهن سبب هو شهيد ٿي ويو آهي
