نوشھرو فيروز بلاول ڀٽو زرداري شڪارپور روڊ حادثي جي، پي پي اڳواڻن ۽ ڪارڪنن خليفه شڪل احمد ،ٻين جي پونئيرن سان تعزيت ڪئي.

نوشهرو فيروز:-(ايم ظفرتڳر)پاڪستان پيپلز پارٽي جو چيئرمن بلاول ڀٽو زرداري نوشھرو فيروز پهتو جتي شڪارپور روڊ حادثي جي، پي پي اڳواڻن ۽ ڪارڪنن خليفه شڪل احمد میمڻ، نادر چانڊيو، ڳهڻو خان تڳر، جوجي سومرو ۽ مظفر ڀٽو جي پونئيرن سان تعزيت ڪئي. بلاول ڀٽو زرداري سان سنڌ جو اڳوڻو وزير اعليٰ مراد علي شاهه ۽ ٻيا پي پي اڳواڻ به گڏ هئا. خليفه شڪيل احمد جي ڌيئرن ڊاڪٽر بینظیر میمڻ ۽ نثاءِ شڪیل، جوجي سومري جي پيءُ اياز سومرو، نادر چانڊيو، گهڻو خان تڳر ۽ مظفر ڀٽو جي پونئيرن سان ڳالهائيندي بلاول ڀٽو زرداري چيو ته اوهان جي ڏک ۾ برابر جو شريڪ آھيان. واضح رهي پي پي جا جيالا ڪوئيٽا ۾ پيپلز پارٽي جي يوم تاسيس واري جلسي ۾ شرڪت کان پوءِ واپس نوشهرو فيروز اچي رهيا هئا ته شڪارپور ويجهو سندن گاڏي سان حادثو پيش آيو هو.