لاڙڪاڻي ۾ ڪرسمس جي موقعي تي سنڌ سالڊ ويسٽ مينيجمينٽ بورڊ ۽ چائنيز گينسو عملي طرفان شهر جي مک چرچ صفائي ڪئي

لاڙڪاڻو(بيورو رپورٽ راجا خان گاڏھي ) لاڙڪاڻي ۾ ڪرسمس جي موقعي تي سنڌ سالڊ ويسٽ مينيجمينٽ بورڊ ۽ چائنيز گينسو عملي طرفان شهر جي مک چرچ سينٽ جوزف سميت سمورن ننڊن وڏن چرچن جي صفائي سٿرائي ڪئي وئي. ان موقعي تي عيسائي برادري جي مذهبي اڳواڻن فلڪ نيئر، چودري سليم مسيح، سهيل مسيح، دانش مسيح ۽ ٻين ميڊيا سان ڳالهائيندي چيو ته 25 ڊسمبر جو ڏينهن اسان لاءِ عيد جو ڏينهن آهي، جنهن جي موقعي تي سنڌ سالڊ ويسٽ مينيجمينٽ بورڊ ۽ چائنيز گينسو عملي طرفان شهر جي ننڊن وڏن چرچن سميت انهن طرف ايندڙ رستن تي صفائي ڪئي وئي آهي، جيڪو عمل ساراھ جوڳو آهي. هنن چيو ته سنڌ سالڊ ويسٽ مينيجمينٽ بورڊ ۽ چائنيز گينسو عملدارن اسان جي عبادت گاهن جي صفائي سٿرائي ڪرائي آهي، جنهن سان اسان کي اهو ڪڏهن به محسوس نه ٿيو آهي ته اسان هتي اڪيلا آهيون، جڏهن ته سنڌ حڪومت، سنڌ پوليس، پاڪ رينجرس سميت سنڌ جا سمورا سرڪاري ادارن اسان سان هر وقت تعاون ڪندا آهن، جنهن تي اسان کين شڪريون ادا ڪندي ڪرسمس جي مبارڪ ٿا پيش ڪريون.