باقراڻي (رپورٽر ) باقراڻي لڳ صوفي بزرگ هستي سيد چيزل شاهه جي ورسي ملهائي وئي ، ورسي تقريب ۾ گاڌي نشين سيد سرفراز شاھ صوفي القادري ، پي ايس 13 جي پ پ اميدوار عادل الطاف انڙ ، عدنان الطاف انڙ ، پريس ڪلب باقراڻي جي صدر لالا برڪت بلوچ سميت مختلف سياسي سماجي اڳواڻن ۽ صوفي فقيرن جي وڏي انگ ۾ شرڪت ، صوفياڻي راڳ رنگ جي محفل ، ھر طرف حق موجود سدا موجود جون صدائون بلند . رپورٽ موجب : باقراڻي تعلقي جي ڳوٺ موسو ميتلو ۾ ميتلا هائوس تي سنڌ بلوچستان جي نالي واري صوفي بزرگ هستي سيد چيزل شاهه جي ورسي ملهائي وئي ، ورسي تقريب ۾ درگاهه سيد چيزل شاهه فتح پور جي گاڌي نشين سيد سرفراز شاھ صوفي القادري ، سيد ڪامل علي شاهه ، پي ايس 13 جي پ پ اميدوار عادل الطاف انڙ ، پ پ اڳواڻ عدنان الطاف انڙ ، ق ليگ اڳواڻ بابو غلام سرور سيال ، سيد آصف علي شاھ ، سيد علي حسن شاھ ، ولي عهد يونس علي شاهه ، پريس ڪلب باقراڻي جي صدر سئينر صحافي لالا برڪت بلوچ ، صحافي احمد نواز بلوچ ، محرم علي ڪنڀر ، اطهر علي سنديلو ، يوسي مشوري ايٽ هٽي جي يوسي چيئرمين مير شڪيل ڪريم مينگل ، يونين ڪائونسل مڏباهو چيئرمين رئيس مظفر خان چانڊيو ، ٽائون ڪاميٽي ڏوڪري جي چيئرمين عبدالمجيد جيسر ، اڳوڻي چيئرمين لياقت علي سومرو ، تعليم دان لياقت علي ڏهر ، يوسي ماٽو جي وائيس چيئرمين خادم حسين بروهي ، سرائي بدر الدين ميتلو ، سرائي قمر الدين ميتلو ، سرائي نياز حسين ميتلو ، رضوان علي ميتلو ، افسر علي ميتلو ، سائين وليداد ميتلو ، حاجي سائينداد ميتلو سميت مختلف سياسي سماجي اڳواڻن ، صوفي فقيرن وڏي انگ ۾ شرڪت ڪئي ، جڏهن ته ورسي تقريب ۾ آيل مهمان خاص گاڌي نشين سيد سرفراز شاھ صوفي القادري سميت مهمان شخصيتن کي ميزبان صوفي فقير سرائي بدرالدين ميتلو پاران سنڌي اجرڪ ۽ صوفياڻي ويس جا تحفا پڻ پيش ڪيا ، ان موقعي تي صوفياڻي راڳ رنگ جي محفل پڻ ٿي ، جنهن ۾ درگاهه سيد چيزل شاهه جي صوفي فنڪارن صوفي سهڻل فقير ، صوفي سڄڻ فقير ، صوفي رباني چانڊيو ، صوفي منظور سولنگي ۽ ٻين فنڪارن صوفياڻا ڪلام ڳائي محفل ۾ ويٺل ماڻهن تي وجد طاري ڪري ڇڏي ، ھر طرف حق موجود سدا موجود جون صدائون بلند هيون ، صوفياڻي محفل پرهه ڦٽيء تائين جاري هئي .
