راولپنڊي: (م ڊ ) اسلام آباد ايڪسپريس وي تي خوفناڪ روڊ حادثي جي نتيجي ۾ 4 ڄڻا فوت جڏهن ته 5 زخمي ٿي پيا آهن. رپورٽ موجب راولپنڊي ۾ اسلام آباد ايڪسپريس وي جي هنڌ تي ڍهوڪ ڪالا خان اسٽاپ ويجهو خوفناڪ روڊ حادثو پيش آيو جنهن جي نتيجي ۾ 4 ڄڻا فوت ۽ 5 زخمي ٿي پيا آهن. سمورن زخمين کي فوري طور تي طبي امداد جي لاءِ اسپتال منتقل ڪيو ويو. ترجمان 1122 چيو آهي ته حادثو ڪار ۽ موٽر سائيڪل جي وچ ۾ پيش آيو زخمين مان 4 ڄڻن جي حالت انتهائي ڳڻتي جوڳي آهي جڏهن ته فوت ٿي ويلن جا لاش پمز اسپتال منتقل ڪيا ويا آهن. ذريعن موجب روڊ حادثي ۾ فوت ٿيل 2 ڄڻن جو تعلق مسيحي برادري سان آهي. سمورن زخمين ماڻهن جو تعلق به مسيحي برادري سان آهي ٻڌايو پيو وڃي ته ڪار ۾ سوار سمورا ماڻهو نشي جي حالت ۾ هئا.
