گرينڊ ڊيموڪريٽڪ الائينس سنڌ جو جنرل سيڪريٽري ڊاڪٽر صفدر عباسي ھالا پراڻا ۾ سول سوسائٽي پاران لڳل اکين جي ڪيمپ جو وزٽ ڪيو

ھالا (رپورٽ خادم ابڙو)گرينڊ ڊيموڪريٽڪ الائينس سنڌ جو جنرل سيڪريٽري ڊاڪٽر صفدر عباسي ھالا پراڻا ۾ سول سوسائٽي پاران لڳل اکين جي ڪيمپ جو وزٽ ڪيو،ان موقعي تي ڊاڪٽر صفدر عباسي ميڊيا سان خصوصي ڳالھيندي چيو تہ، شھيد جان محمد مھر لاء اسان ملتان تائين آواز اٿاريو آھي،سکر پوليس جي نااھلي سبب شھيد جان محمد مھر جا قاتل گرفتار ناھن ٿي سگھيا،سندس اصل قاتل ۽ سھولتڪار گرفتار ٿيڻ گھرجن،سکر حيدرآباد ايم سڪس موٽروي جا اربين روپيہ الاھي ڪيڏاھن ويا ڪا خبر نہ پئي،پاڪستان پيپلزپارٽي 15 سالن کان سنڌ کي لٽيو آھي،ھاڻي پاڪستان پيپلزپارٽي اُھا ناھي رھي جيڪا محترمہ بينظير ڀٽو جي دور ۾ ھئي،ھن چيو تہ آر اوز ۽ اي آر اوز کي اسان رد ڪري اسان ھاء ڪورٽ ۾ وڃڻ جو اعلان پڻ ڪيو ھو،پر اسان سپريم ڪورٽ جو احترام ڪيو آھي،ان موقعي تي ڊاڪٽر صفدر عباسي سول سوسائٽي جي چيئرمين سيد گلفام شاھ جي ٽي روزا اکين واري لڳل مفت ڪيمپ واري جدوجحد کي ۽ سندس ٽيم جي محنت کي ساراھيندي، سول سوسائٽي جي ٽيم سميت صحافين ۾ پڻ ايوارڊ سقسيم ڪيا ويا،ان موقعي تي جي ڊي اي اڳواڻ شعيب موسيٰ، نورالله قريشي،عقيل ميمڻ ،فواد شيرميمڻ،حامد قريشي سميت ٻيا موجود ھئا.