سنڌ سالڊ ويسٽ مينيجمينٽ بورڊ ۽ چائنيز گينسو جي طرفان لاڙڪاڻي جي مختلف علائقن روڊن رستن تي صفائي سٿرائي جو ڪم جاري

لاڙڪاڻو(بيورورپورٽ )لاڙڪاڻو ۾ آچر واري ڏينهن به  سنڌ سالڊ ويسٽ مينيجمينٽ بورڊ ۽ چائنيز گينسو جي طرفان لاڙڪاڻي جي مختلف علائقن روڊن رستن تي صفائي سٿرائي جو ڪم جاري رھيو ۽ تي پاڻي جو ڇنڊڪار ڪري چونو به ھاريو ويو جڏھن ته سرڪاري آفيسن جي اڳيان پڻ صفائي سٿرائي  جو ڪم تيز ڪيو ويو سنڌ سالڊ ويسٽ مينيجمينٽ ۽ چائنيز گينسو ڪمپني جو عملو صبح جو سوير ئي صفائي جي ڪم رڌل رهيو    ان سلسلي ضلعي انتظاميا  سنڌ سالڊ ويسٽ مينيجمينٽ بورڊ ۽ چائنيز گينسو ڪمپني جي عملي جي اھڙي سٺي عمل جي  تمام گهڻو ساراهيندي چيو ته صفائي جو عملو شهر ۾ بهتر ڪم ڪري رهيو آهي، جنهن سان سڄو شهر صاف لڳو پيو آهي.ان موقعي تي آپريشن مينيجر صداقت جوڻيجو ميڊيا سان ڳالهائيندي چيو ته اسان جو عملو روز جي بنياد تي صفائي سٿرائي جو ڪم ڪندو آهي جڏهن ته اسان جا آفيسر ان ڪم جي پڻ معائنو ڪندا آهن اسان جو صفائي جو عملو ھر وقت توهان کي روڊن رستن تي ڪم ڪندين نظر ايندو اسان وڌ کان وڌ ڪوشش ڪري رهيا آهيون ته جيئن لاڙڪاڻو کي صاف سٿرو رکي سگهون