رتيديري ۾ اميدوارن فارم جمع ڪرائي ڇڏيا ، رٽرننگ آفيسر وٽ مختلف پارٽين ۽ آزاد اميدوارن پنهنجا نامزدگي فارم جمع ڪرايا

رتوديرو (رپورٽ پرويز ٻپڙ) رتيديري ۾ اميدوارن فارم جمع ڪرائي ڇڏيا ، رٽرننگ آفيسر وٽ مختلف پارٽين ۽ آزاد اميدوارن پنهنجا نامزدگي فارم جمع ڪرايا : تفصيل موجب رتوديرو جي صوبائي تڪ پي ايس 10 تي 8 فئبروري تي ٿيندڙ عام چونڊن ۾ حصو وٺندڙ مختلف سياسي پارٽين ۽ آزاد اميدوارن پاران پنهنجا نامزدگي فارم آر او آفيس ۾ جمع ڪرايا ويا آهن جڏهن ته پ پ پ عورت ونگ جي مرڪزي صدر فريال ٽالپر جو نامزدگي فارم ايڊووڪيٽ ضياءُ لنجار ۽ غلام مصطفيٰ لغاري آر او آفيس پهچي جمع ڪرايو ان موقعي تي ساڻن سان پ پ پ جا اڳواڻ منير احمد جلباڻي ، نديم اختر سومرو ، نظر محمد پٺاڻ ، ممتاز علي عارباڻي ، بابو ذوالفقار نوناري ، سيد مهدي شاه ، خالد حسين اوڍو ، زاهد جلباڻي ، سيد شاهد حسين شاه ، بلاول جلباڻي گڏ هئا  جڏهن ته پ پ پ جي اعجاز احمد لغاري ، سردار آغا علي نواز جلباڻي ، اسد الله ڀٽو ۽ انور ٻرڙو جي يو آءِ جي مولانا ڪفايت الله سومرو ۽ طاهر سومرو خادمين سنڌ پئنل جي ايس ٽي پي اڳواڻ اختر بليدي ( ن ) ليگ جي ارسلان جلباڻي پي ٽي آءِ سينيٽر سيف الله ابڙو جي پٽ مزمل ابڙو ۽ 10 آزاد اميدوارن سميت 34 ڄڻن آراو آفيس رتوديرو پهچي پنهنجا نامزدگي فارم جمع ڪرائي ڇڏيا آهن ان سلسلي ۾ وڌيڪ ڄاڻ ملي آهي ته ڄاڻايل صوبائي تڪ تي چونڊ وڙهڻ لاءِ 50 اميدوارن پنهنجا نامزدگي فارم ورتا هئا جڏهن ته شهيد ڀٽو طرفان ڪنهن به اميدوار تڪ تي فارم نه ڀرايو آهي هوڏانهن اڳوڻي پي ٽي آءِ اڳواڻ سردار امير بخش ڀٽو عام چونڊن ۾ حصو نه وٺڻ جو اعلان ڪري ڇڏيو آهي          .