ميروخان ۾  شهيد بينظير ڀٽو جي ورسي جي حوالي سان گڏجاڻي، ٽائون چيئرمين لياقت علي ابڙو ،ٻين اڳواڻن ۽ شهرين شرڪت ڪئي،

ميروخان (رپورٽر) ميروخان ۾  شهيد بينظير ڀٽو جي ورسي جي حوالي سان گڏجاڻي، ٽائون چيئرمين لياقت علي ابڙو پاران ڪوٺايل گڏجاڻي ۾ پارٽي اڳواڻن ۽ شهرين شرڪت ڪئي، 27 ڊسمبر شهيد بينظير ڀٽو جي ورسي ۾ ڀرپور شرڪت ڪرڻ جو اعلان. خبر موجب : ميروخان ۾ شهيد بينظير ڀٽو جي ورسي جي حوالي سان ٽائون ڪاميٽي جي چيئرمين لياقت علي ابڙو پاران پنهنجي رهائشگاھ تي گڏجاڻي ڪوٺائي وئي جنهن ۾ پارٽي اڳواڻن امجد گوهر تونيو، ميان عبدالوحيد تونيو، فدا حسين لاشاري، شاهمراد عمراڻي، عرفان سردار ابڙو، نثار احمد شاھ، عبدﷲ گوپانگ ،سرائي الياس ڀٽي اڪبر عباسي، محمد اسلم تونيو ۽ ٻين شرڪت ڪئي ان موقعي تي گڏجاڻي کي خطاب ڪندي لياقت علي ابڙو، ميان عبدالوحيد تونيو، امجد گوهر، عرفان سردار ابڙو ۽ ٻين جو چوڻ هو ته پيپلزپارٽي شهيدن جي پارٽي آهي شهيد ذوالفقار علي ڀٽو کان پوءِ شهيد بينظير ڀٽو پارٽي کي نه صرف منظم ڪيو پر ملڪ سميت دنيا ۾ عظيم سياسي ليڊر طور مڃتا ماڻي بينظير ڀٽو جون لازوال خدمتون وسارڻ جهڙيون ناهن هنن چيو ته 27 ڊسمبر تي ڳڙهي خدابخش ڀٽو ۾ شهيد بينظير ڀٽو جي 16 ورسي جي موقعي تي تاريخي جلسو ٿيندو جنهن کي پ پ چيئرمين لخت جگر بلاول ڀٽو زرداري، آصف علي زرداري ۽ ٻيا خطاب ڪندس جنهن ۾ ميروخان جا جيالا ڀرپور شرڪت ڪندا.