ڀٽ شاھ لنڪ روڊ تي ڦٽا گاڏي جي ٽائر ۾ لوئي ڦاسڻ سبب ڦٽا گاڏي ڪلٽي ٿي پئي نتيجي ۾  نوجوان فوت

ھالا )رپورٽ خادم ابڙو (ھالا ڀرسان ڀٽ شاھ لنڪ روڊ تي مھرن جي ڳوٺ وٽ ڦٽا گاڏي جي ٽائر ۾ لوئي ڦاسڻ سبب ڦٽا گاڏي ڪلٽي ٿي پئي جنھن جي نتيجي ۾ ڦٽا گاڏي جي ھيٺيان اچڻ سبب ھڪ ڄڻو 35 ورھين جو نوجوان ساجد ولد گلزار لغاري فوت ٿي ويو ۽ ھڪ ڄڻو اوڀايو رند سخت زخمي ٿي پيو،فوتي ۽ زخمي کي مقامي ماڻھن فوري طور تعلقا اسپتال ھالا آندو ويو، جتي اسپتال ۾ موجود عملي پاران ھڪ ڄڻي جي فوت ٿيڻ جي تصديق ڪئي وئي، ۽ زخمي کي طبي امداد ڏني پئي وڃي،اسپتال ۾ فوتي جا وارث ھانو ڏاريندڙ داھون ڪندا رھيا،ان موقعي تي فوتي جي وارثن ٻڌايو تہ اسان ھالا ڀرسان ڳوٺ ڀاڻوٺ کان ٽنڊو آدم طرف ڦٽا گاڏي تي چار ڄڻان وڃين رھيا ھئاسين تہ ھالا ڀرسان ڀٽ شاھ لنڪ روڊ مھرن جي ڳوٺ وٽ ڊرائيور جي ٽائر ۾ لوئي ڦاسڻ سبب لغاري برادري سان تعلق رکندڙ ڳوٺ ڀاڻوٺ واسي 35 ورھين جو ساجد ولد گلزار لغاري فوت ٿي ويو آھي،جڏھن تہ ڦٽا گاڏي ڊرائيور اوڀايو رند سخت زخمي ٿي پيو آھي، جنھن تعلقا اسپتال ھالا آندو ويو آھي،جتان فوتي کي ضروري قانوني گھرجون پوريون ڪرڻ بعد نوجوان جو مڙھ وارثن حوالي ڪيو ويو آھي.