رتوديرو ۾ شهيد راڻي جي ورسي جي مناسبت سان جنرل گڏجاڻي ڪوٺائي وئي وڏي انگ جيالن جي شرڪت

رتوديرو (رپورٽ پرويز ٻپڙ) رتيديري ۾ شهيد راڻي جي ورسي جي مناسبت سان جنرل گڏجاڻي ڪوٺائي وئي ، وڏي انگ ۾ جيالين ۽ جيالن جي شرڪت : تفصيل موجب رتوديرو ۾ پاڪستان پيپلز پارٽي پاران شهيد راڻي محترمه بينظير ڀٽو جي 16 هين ورسي جي حوالي سان ريسٽ هائوس ۾ جنرل گڏجاڻي ڪوٺائي وئي جنهن ۾ وڏي انگ ۾ جيالين ۽ جيالن شرڪت ڪري شهيد راڻي سان پنهنجي محبت جو اظهار ڪيو جڏهن ته پ پ پ جي ضلعي صدر خورشيد احمد جوڻيجو ضلعي چيئرمين اعجاز احمد لغاري ، لالو نظر محمد پٺاڻ ، زاهد حسين جلباڻي ، ممتاز علي عارباڻي ، منير احمد جلباڻي ، نديم اختر سومرو ، مير آصف خان جلباڻي ، پرويز علي ٻپڙ، سيد شاهد حسين شاه  ، طفيل ساريو ، خالد حسين اوڍو عورت ونگ جي اڳواڻن نصيبا چنو ، گلشن بليدي ، شبانا ڊومڪي ڏهن وارڊن جي ڪائونسلرن ، سپاف ، يوٿ ۽ پيپلز ليبر جي اڳواڻن ۽ ڪارڪنن وڏي انگ ۾ شرڪت ڪئي اجلاس کي خطاب ڪندي اڳواڻن چيو ته 27 ڊسمبر وارو ڏکوئيندڙ سانحو ملڪ جي عوام لاءِ ڪارو ڏينهن آهي هن ڏينهن ملڪ جي غريب عوام جي ليڊر ۽ هڪ وزير اعظم کي بيگناه شهيد ڪري عوام کان انهن جو آواز ڌار ڪيو ويو شهيد راڻي غريب عوام جي هڏ ڏوکي هئي هن سدائين ملڪ جي غريب ماڻهن جي ڀلي لاءِ پنهنجو آواز بلند ڪيو سندس کي ياد ڪري اڄ به هر اک پاڻي پاڻي ٿي ويندي آهي هنن چيو ته 16 ورهيه گذرڻ بعد به شهيد راڻي اسان جي دلين ۾ آهي رتوديرو مان شهيد راڻي جي ورسي ۾ ڀرپور شرڪت ڪرڻ لاءِ وڏي تعداد ۾ قافلا نڪرندا جيڪي ڳڙهي خدا بخش پهچي شهيد راڻي کي خراج عقيدت پيش ڪنداسين                       .