دوداپور (رپورٽ: قلندر بخش ڪٽوهر ) گورنمينٽ بوائز ھائر سيڪنڊري اسڪول محمدپور اوڍو جي شاگردن ۾ ڊريسون ورھايون ويون،اسڪولي شاگردن ۾ سردارزادا جاويد عالم اوڍو، سردارزادا رضوان خان اوڍو ۽ سردار علي احمد اوڍو جي تعاون سان ڊريسون ورھايون ويون،ڊريسن ورھائڻ جي تقريب ۾ اسڪول جي ايف اي محمد مشتاق جکراڻي سميت پوري اسٽاف شرڪت ڪئي،خبر موجب دوداپور ويجھو گورنمينٽ بوائز ھائر سيڪنڊري اسڪول محمدپور اوڍو ۾ ڳوٺ جي معززين، سردارزادا جاويد عالم اوڍو ، سردارزادا رضوان خان اوڍو ۽ سردار علي احمد خان اوڍو جي تعاون سان اسڪولي شاگردن ۾ ڊريسون ورھائڻ جي تقريب منعقد ڪئي وئي، جنھن ۾ اسڪول جي ايف اي محمد مشتاق جکراڻي، سيد محمد شاھ، استاد دوست محمد سومرو سميت اسڪول جي استادن شرڪت ڪئي، ان موقعي تي محمد مشتاق جکراڻي چيو تہ اڄ مئٽرڪ ، فرسٽ ييئر ۽ انٽر جي شاگردن ۾ ڊريسون ورھايون ويون آھن، ان شاء اللہ جلد ئي ھيٺين ڪلاسن جي شاگردن ۾ بہ ڊريسون ورھايون وينديون ، ھن وڌيڪ چيو تہ اسين ڳوٺ جي معززين سردارزادا جاويد عالم اوڍو ، سردارزادا رضوان خان اوڍو ۽ سردار علي احمد خان اوڍو صاحب جا بيحد مشڪور آھيون، جن شاگردن ۾ ڊريسن ورھائڻ ۾ ڀرپور تعاون ڪيو.
