ميروخان (رپورٽر) تعلقه پريس ڪلب ميروخان جون سال 2024 ع جون چونڊون، ايم صفر گوپانگ صدر ،امام الدين تونيو جنرل سيڪريٽري سميت سمورا عهديدار بنا مقابلي ڪامياب ، مجاهد سومرو چيئرمين، ممتاز جاگيراڻي ، سينيئر نائب صدر ۽ الطاف ڪلهوڙو خزانچي چونڊجي ويو، سياسي سماجي اڳواڻن ۽ شهرين پاران نون چونڊيل عهديدارن کي مبارڪون. خبر موجب : ميروخان شهر جي واحد رجسٽرڊ تعلقہ پريس ڪلب ميروخان جي سال 2023 ع جو هڪ سال آئيني مدو پورو ٿيڻ کانپوءِ سال 2024 ع جون چونڊون چيئرمين مجاهد سومرو جي نگراني ۾ ڪرايون ويون جنهن ۾ پريس ڪلب جي ميمبرن جي اتفاق راءِ سان صدر ايم صفر گوپانگ، سينيئر نائب صدر ممتاز علي جاگيراڻي، نائب صدر سيف ﷲ چانڊيو، جنرل سيڪريٽري امام الدين تونيو، جوائنٽ سيڪريٽري گداحسين ڪلهوڙو ۽ خزانچي الطاف احمد ڪلهوڙو جڏهن ته ورڪنگ جي ميمبرن ۾ شاهد حسين ڪلهوڙو، محمد صالح گوپانگ، محمد امين مستوئي ۽ آغا عبدالرب پٺاڻ کي سال 2024 لاءِ بنا مقابلي عهديدار منتخب ڪيو ويو ان موقعي تي پريس ڪلب جي صدر ايم صفر گوپانگ، چيئرمين مجاهد سومرو ،جنرل سيڪريٽري امام الدين تونيو جو چوڻ هو ته پريس ڪلب ميروخان جي مورچي مان ميروخان شھر ۽ تعلقي جي عوام جي مسئلن جي حل لاءِ قلم وسيلي جنگ جاري رکبي هوڏانهن شهر جي سياسي سماجي تنظيمن جي اڳواڻن ۽ شهرين پاران پريس ڪلب جي نون چونڊيل عهديدارن کي مبارڪون ڏنيون ويون آهن.
