ميروخان (رپورٽر ) هڪ ڏينهن اڳ روڊ حادثي ۾ زخمي ٿيل نينگر زخمن جا سور نه سهندي فوت، سجاول جوڻيجو واسي حنيف مگسي لاڙڪاڻي جي اسپتال ۾ دم ڏئي ڇڏيو، لاش گهر پهچڻ تي قهرام مچي ويو. خبر موجب : ميروخان ويجهو هڪ ڏينهن اڳ روڊ حادثي ۾ زخمي ٿيل سجاول جوڻيجو شهر جي مگسي پاڙي جو رهواسي 12 ورهين جو محمد حنيف پٽ گلزار مگسي زخمن جا سور نه سهندي دم ڏئي ڇڏيو نينگر جي ٻڌايو ته محمد حنيف کي ميروخان – سجاول جوڻيجو روڊ تي ڀٽا شاخ وٽ تيز رفتار موٽر سائيڪل سوارن ٽڪر هڻي زخمي ڪيو هو جنهن کان پوءِ زخمي نينگر کي لاڙڪاڻي جي ايمرجنسي اسپتال کڻي وياسين جتي محمد حنيف مگسي زخمن جا سور نه سهندي فوت ٿي ويو آهي ٻي پاسي سجاول جوڻيجو پوليس نينگر جو لاش ميروخان اسپتال مان ضروري ڪارروائي ڪرائڻ بعد وارثن حوالي ڪيو جيڪو سجاول جوڻيجو ۾ گهر پهچڻ تي روڄ راڙو مچي ويو.
