ڪراچي (ويب ڊيسڪ) پ پ چيئرمين بلاول ڀٽو زرداري جي سربراهي ۾ بلاول هائوس ۾ اهم هائبرڊ اجلاس ٿيو، جنهن ۾ چونڊ جي شيڊيول ۽ چونڊ مهم بابت حڪمت عملي تي غور ڪيو ويو.اجلاس ۾ پ پ جي عورتن جي شعبي جي مرڪزي صدر فريال ٽالپر، يوسف رضا گيلاني، مراد علي شاهه، منظور وساڻ، خورشيد شاهه، شيري رحمان، شازيا مري، فيصل ڪريم ڪنڊي، نثار کهڙي، مخدوم احمد محمود، محمد علي شاهه باچا، شرجيل ميمڻ، مڪيش چاولا ۽ ٻين شرڪت ڪئي.اجلاس ۾ عام چونڊن جي شيڊيول ۽ چونڊ مهم جي حوالي سان حڪمت عملي تي غور ويچار ڪيو ويو.بلاول ڀٽو زرداري جي صدارت هيٺ اجلاس ۾ عام چونڊن جي حوالي سان پارٽي منشور، عوامي رابطا مهم تي غور ويچار ڪيو ويو، جڏهن ته ملڪ جي مجموعي سياسي صورتحال سميت اهم معاملن تي به خيالن جي ڏي وٺ ڪئي وئي.
