سندس گھرواري رابعہ آرائين پنھنجي ننڍڙن ٻارڙن ۽ پيرسن سھري سان گڏ ھالا پريس ڪلب پھچي ھالا پوليس جي ناجائزين خلاف احتجاج

ھالا) رپورٽ خادم ابڙو(نيو سعيد آباد ڀرسان صابو راھو جي رھواسي موٽرسائيڪلن جي مستري جميل آرائين کي ھالا پوليس پاران مبينہ کنڀي گم ڪرڻ خلاف سندس گھرواري رابعہ آرائين پنھنجي ننڍڙن ٻارڙن ۽ پيرسن سھري سان گڏ ھالا پريس ڪلب پھچي ھالا پوليس جي ناجائزين خلاف احتجاج ڪيو آھي،ان موقعي تي رابعہ آرائين ھالا پوليس خلاف داھيندي چيو تہ ھالا پوليس بااثر ماڻھن جي چرچ تي منھنجي مڙس جميل آرائين کي کنڀي گم ڪري ڇڏيو آھي،پوليس سندس ڏس پتو ٻڌائڻ کان انڪار ڪري ڇڏيو آھي،اسان ملاقات لاء وڃون ٿا تہ پوليس اسان کي جميل آرائين سان ملاقات ڪرڻ بہ نٿي ڏئي ، جڏھن تہ ان موقعي تي ايس ايڇ او ھالا اسان مٿان ڪوڙا ڪيس داخل ڪرڻ جون ڌمڪيون ڏئي ٿو، اسان پورھيت غريب مسڪين آھيون، بلاجواز بااثر ماڻھن جي چرچ تي ھالا پوليس منھنجي گھرواري جميل آرائين کي کنڀي گم ڪري ڇڏيو آھي، جنھن کي پوليس پاران ظاھر نہ ڪرڻ تي سخت پريشان آھيون، ھنن نگران حڪومت، ڊي آء جي حيدرآباد ايس ايس پي مٽياري سميت وس وارن کان مطالبو ڪيو آھي تہ فوري طور نوٽيس وٺي ھالا پوليس پاران کنڀي گم ڪيل جميل آرائين کي آزاد ڪري اسان جي بيچيني ختم ڪئي وڃي.