افغانين کي جعلي سڃاڻپ ڪارڊ جاري ڪرڻ جي معاملي تي نادرا چيئرمين جو وڏو انڪشاف
اسلام آباد (ويب ڊيسڪ) نادرا چيئرمين جعلي فيملي ٽري ۾ افغانين کي شامل ڪرڻ جو انڪشاف ڪيو آهي. نادرا چيئرمين ليفٽيننٽ منير افسر سينيٽ جي گهرو معاملن بابت ڪميٽي کي بريفنگ ۾ ٻڌايو ته نادرا طرفان افغانين کي جعلي سڃاڻپ ڪارڊ جاري ڪرڻ جي معاملي تي 84 اهلڪارن خلاف ڪارروائيون ڪيون ويون آهن.هن چيو ته جعلي دستاويزن، بنا فنگر پرنٽ يا تصوير جي رڪارڊ کي اهلڪار ٽمپر ڪندا رهيا، جنهن سبب اهلڪارن خلاف ڪارروائيون ڪيون ويون. سندس چوڻ هو ته نادرا جعلي سڃاڻپ ڪارڊ روڪڻ لاءِ شفاف ۽ پختو نظام قائم ڪيو آهي
