ڪراچي (ويب ڊيسڪ) پرڏيهي وزير ۽ پ پ چيئرمين بلاول ڀٽو زرداري ميئر چونڊجڻ تي مرتضيٰ وهاب کي واڌايون ڏنيون آهن. پنهنجي بيان ۾ بلاول ڀٽو زرداري چيو ته مرتضيٰ وهاب کي ميئر، سلمان مراد کي ڊپٽي ميئر چونڊجڻ تي مبارڪون پيش ڪيان ٿو، اڄ پ پ کي تاريخي ڪاميابي ملي آهي، جيڪا سڄي پاڪستان جي فتح آهي. هن چيو ته اها ڪاميابي ڪراچي جي جيالن جي ڊگهي جدوجهد ۽ قربانين جو نتيجو آهي، ملڪ جي معاشي حب ۾ نفرت ۽ ورهاست جي سياست پنهنجي انجام تي پهتي، جمهوريت بهترين انتقام آهي. سندس چوڻ هو ته ڪراچي جا مسئلا حل ڪنداسين، شهر ۾ هاڻ ترقي، امن ۽ ڀائيوارو قائم ٿيندو.
