اسلام آباد (ويب ڊيسڪ) موسمياتي تبديلي بابت وفاقي وزير شيري رحمان چيو ته طوفان سڌي ريت ڪراچي تي اثرانداز ناهي ٿيو. نجي ٽي وي چئنل سان ڳالهائيندي شيري رحمان چيو ڪوشش آهي ته طوفان بابت عوام کي تصديقي ڄاڻ فراهم ڪئي وڃي، طوفان سڌي ريت ڪراچي تي اثرانداز ناهي ٿيو، جيڪي علائقا اثر هيٺ آهن، اتي ماڻهن جي منتقلي جو عمل 4 ڏينهن ۽ 4 راتيون جاري رهيو. سندس چوڻ هو ته في الحال ڪراچي ايئرپورٽ تي اڏامون روڪڻ جي حوالي سان ڪو فيصلو ناهي ٿيو، گڏوگڏ هن عوام کي سمنڊ تي نه وڃڻ جي به اپيل ڪئي.
