اسلام آباد ( ويب ڊيسڪ) ليفٽيننٽ جنرل (ر) فيض حميد کي مبينا طور تي ٻه هفتا اڳ نظربند ڪيو ويو آهي ۽ 9 مئي تي پاڪستان ۾ تشدد ۽ ڀڃ ڊاهه جي واقعن ۾ سندس مبينا ڪردار جي جاچ ڪئي پئي وڃي. اها دعويٰ صحافي اسد طور پنهنجي تازي وي لاگ ۾ ڪئي آهي.صحافي اسد طور مارچ 2023ع تي پنهنجي اڳوڻي رپورٽ کي ورجايو ته ليفٽيننٽ جنرل (ر) فيض حميد کي جلد گرفتار ڪيو ويندو، جنهن عمران خان جي حڪومتي دور ۾ جون 2019 کان نومبر 2021 تائين پاڪستان جي انٽر سروسز انٽيليجنس جو ڊائريڪٽر جنرل طور خدمتون انجام ڏنيون. 9 مئي تي پي ٽي آءِ جي حملن ۾ نشانو بڻيل علائقن جو حوالو ڏيندي صحافي اسد طور چيو ته اڳوڻي وزيراعظم عمران خان طرفان 9 مئي جي وڳوڙن جو ذميوار نه هجڻ جي دعويٰ بي بنياد آهي. اها ڳالهه اعتبار جوڳي هجي ها ته هجوم رڳو لاهور ۾ ئي قابو کان ٻاهر وڃي ها پر گوجرانوالا ڪينٽومينٽ، ملتان ڪينٽومينٽ، فيصل آباد ۽ راولپنڊي ۾ آءِ ايس آءِ جي آفيسن، ايستائين جو جي ايڇ ڪيو تائين به هجوم قابو کان ٻاهر ٿي ويو. جوابدارن ن صرف ڇانوڻي وارن علائقن کي نشانو ڇو بڻايو؟ پي ٽي آءِ ڪارڪنن رڳو فوجي تنصيبات کي ڇو نشانو بڻايو؟ان جو مطلب ته ڪنهن نه ڪنهن سطح تي عمران خان پنهنجي هدايتن کان آگاهه ڪيو هو ته جيڪڏهن کيس ڪجهه ٿيو ته سندس ڪارڪنن ۽ حمايتين کي هر شهر ۾ فوجي تنصيبات کي نشانو بڻائڻو پوندو. ان جو مطلب اهو به ٿيو ته هجوم کي مختلف شهرن ۾ انهن هنڌن طرف آندو ويو هو ۽ پي ٽي آءِ کي اندران ڪجهه يقين اهو به آيو ته جيڪڏهن هو فوجي هنڌن ۽ ڪور ڪمانڊرن جي رهائشگاهه ۽ جي ايڇ ڪيو تي حملا ڪندا ته اتي تمام گهڻو افراتفري مچي ويندي. اندروني بغاوت جو نتيجو اهو ٿيندو ته فوج پاڻ موجوده آرمي چيف جنرل عاصم منير کي هٽائي، جيڪو ان وقت سرڪاري دوري تي پرڏيهه هو. يقينن اهڙيون ضمانتون پي ٽي آءِ کي فوج جي اندران ئي ڏنيون ويون هيون ۽ ذريعن موجب شايد اهو ليفٽيننٽ جنرل (ر) فيض حميد هو جنهن کين ضمانتون ڏنيو هيون. ميڊيا رپورٽن موجب اڳوڻي آءِ ايس آءِ سربراهه جي ”خاص تربيت يافته“ ٽيم پي ٽي آءِ جي ڪارڪنن سان گڏ 9 مئي تي ملڪ جي مختلف هنڌن تي باهه ڏني ۽ ڀڃ ڊاهه ڪئي. اها به دعويٰ ڪئي پئي وڃي ته ليفٽيننٽ جنرل (ر) فيض حميد سان گڏ لاهور جو اڳوڻو ڪور ڪمانڊر ليفٽيننٽ جنرل سلمان غني به پاڪ فوج جي اعليٰ فوجي ڪمانڊر جي حيثيت سان پنهنجي سرڪاري رهائشگاهه جناح هائوس جي حفاظت ۽ دفاع ۾ ناڪامي تي جاچ هيٺ آهي. ذريعن جو چوڻ آهي ته ليفٽيننٽ جنرل (ر) فيض حميد کي اعليٰ اختيارين ٻڌايو ته هو چڪوال ۾ پنهنجي رهائشگاهه کان ٻاهر نه ٿو وڃي سگهي. اهي آزاديءَ سان ماڻهن سان نه ملي سگهن ٿا ۽ نه ئي ڳالهائي سگهن ٿا ۽ انهن کي گهرن ۾ ئي رهڻو پوندو جيستائين فوج جي اعليٰ ڪمانڊ طرفان انهن خلاف ڪارروائي جو فيصلو نه ڪيو وڃي. ذريعن جو چوڻ آهي ته ليفٽيننٽ جنرل (ر) فيض حميد کي گهر ۾ الڳ آهي. آرمي چيف جنرل عاصم منير جي ايندڙ حڪم تائين هو ڪنهن سان نه ملندو ۽ نه ئي ڪو ساڻس ملاقات ڪري سگهي ٿو ۽ نه ئي ڪنهن شادي يا جنازي ۾ شرڪت ڪري سگهي ٿو.
