اسلام آباد (ويب ڊيسڪ) بلوچستان حڪومت قومي اقتصادي ڪائونسل جي اجلاس جو بائيڪاٽ ڪري ڇڏيو. وزيراعظم شهباز شريف جي صدارت هيٺ قومي اقتصادي ڪائونسل جو اجلاس ٿيو، جنهن ۾ ناڻي واري وزير اسحاق ڊار، رٿابندي بابت وزير احسن اقبال سميت ٻين وزيرن ۽ سنڌ، پنجاب ۽ خيبر پختونخواهه جي وڏن وزير شرڪت ڪئي، جڏهن ته بلوچستان حڪومت اجلاس جو بائيڪاٽ ڪيو. قومي اقتصادي ڪائونسل جي اجلاس ۾ نئين مالي سال جي ترقياتي منصوبو جو جائزو ورتو ويو. بلوچستان جي سينيٽ ۽ قومي اسيمبلي ميمبرن طرفان وفاقي حڪومت جي تجويز ڪيل منصوبن کي سالياني ترقياتي پروگرام ۾ شامل ڪرڻ جو مطالبو ڪيو ويو آهي. بلوچستان حڪومت جو چوڻ آهي ته وفاقي حڪومت واعدن تي عمل ناهي ڪيو، وفاقي حڪومت جو رويو ڏسي اجلاس ۾ شرڪت نه ڪرڻ جو فيصلو ڪيو.
