لاهور (ويب ڊيسڪ) پوليس زمان پارڪ مان فرار ٿيڻ جي ڪوشش ۾ وڌيڪ 6 دهشتگردن کي گرفتار ڪري ورتو. سي سي پي او لاهور بلال صديق زمان پارڪ مان فرار ٿيڻ جي ڪوشش ۾ وڌيڪ 6 دهشتگردن جي گرفتاري جي تصديق ڪئي آهي. هن چيو ته دهشتگرد مان 4 عسڪري ٽاور ۽ 2 ڪور ڪمانڊر هائوس حملي ۾ ملوث آهن. سي سي پي او لاهور موجب گرفتار دهشتگردن جو انگ هاڻ 14 ٿي ويو آهي. واضح رهي ته گذريل ڏينهن ايس ايس پي جاويد حسن ٻڌايو هو ته زمان پارڪ مان فرار ٿيندڙ 8 شڪي ماڻهن کي حراست ۾ ورتو ويو آهي.
