اتر وزيرستان (ويب ڊيسڪ) اتر وزيرستان ۾ اڻڄاتل ماڻهن جي فائرنگ ۾ 3 دهشتگرد مارجي ويا، جڏهن ته پشاور ۾ آپريشن دوران هڪ دهشتگرد مارجي ويو. دهشتگردي ٽوڙ کاتي (سي ٽي ڊي) موجب اتر وزيرستان مان دهشتگردن کي بنون منتقل ڪيو پئي ويو ته ان دوران اڻڄاتل جوابدارن طرفان فائرنگ ڪئي وئي، جنهن جي نتيجي ۾ ٽئي دهشتگرد مارجي ويا. هوڏانهن سي ٽي ڊي جو چوڻ آهي ته پشاور ۾ جوابدارن ۽ فورسز وچ ۾ فائرنگ جي ڏي وٺ ٿي، جنهن ۾ هڪ سيڪيورٽي اهلڪار زخمي ٿيو، جڏهن ته علائقي ۾ سرچ آپريشن دوران هڪ حملي آور جو لاش به مليو آهي.
