لاهور (ويب ڊيسڪ) پوليس پي ٽي آءِ اڳواڻن کي اڊيالا جيل منتقل ڪري ڇڏيو. ذريعن موجب پوليس پي ٽي آءِ جي گرفتار ٽن اڳواڻن شاهه محمود قريشي، اسد عمر ۽ فواد چوڌري کي اڊيالا جيل منتقل ڪيو آهي. پوليس پي ٽي آءِ جي ٽنهي اڳواڻن کي گذريل ڏينهن امن ۾ خلل وجهڻ جي خدشن سبب ٿري ايم پي او تحت گرفتار ڪيو هو. اسد عمر کي اسلام آباد هاءِ ڪورٽ ۽ فواد چوڌري کي سپريم ڪورٽ جي احاطي مان، جڏهن ته شاهه محمود قريشي کي جي بي هائوس مان گرفتار ڪيو ويو هو.
