ڪراچي (ويب ڊيسڪ) ملير ۾ پوليس چيني شهرين تي حملي جي ڪوشش ناڪام بڻائيندي هڪ دهشتگرد کي ماري ڇڏيو. پوليس اختيارين موجب پاڪ چائنا شپ يارڊ ۾ رهندڙ پرڏيهين کي نشانو بڻائڻ جي ڪوشش ڪئي وئي پر اڳ ئي ڳجهي اطلاع تي پوليس اتي مقرر هئي. پوليس اختيارين ٻڌايو ته فائرنگ جي ڏي وٺ ۾ هڪ دهشتگرد مارجي ويو، جڏهن ته هڪ پوليس ڪانسٽيبل به زخمي ٿيو آهي. پوليس موجب ظاهري طور لڳي ٿو ته دهشتگرد کي آپگهاتي جيڪيٽ پاتل هئي، بم ڊسپوزل اسڪواڊ کي معائني لاءِ طلب ڪيو ويو. پوليس ٻڌايو ته مارجي ويل دهشتگرد وٽان ايس ايم جي ۽ ٻيا سامان به هٿ آيو، جڏهن ته فرار حملي آور جي ڳولا جاري آهي.
