نئين دهلي (ويب ڊيسڪ) ڀارتي ميڊيا پاڪستاني پرڏيهي وزير بلاول ڀٽو زرداري جي شنگهائي سهڪار تنظيم جي پرڏيهي وزيرن جي اجلاس ۾ شرڪت کي ٻنهي ملڪن جي لاڳاپن جي بحالي ڏانهن هاڪاري قدم قرار ڏنو آهي. پرڏيهي وزير بلاول ڀٽو زرداري شنگهائي سهڪار تنظيم جي اجلاس ۾ شرڪت لاءِ ڀارتي شهر گووا پهتو آهي. ڀارتي ميڊيا بلاول ڀٽو زرداري جي دوري کي وڏي اهميت ڏئي رهي آهي ۽ ان کي پاڪ – ڀارت لاڳاپن جي بحالي ڏانهن هاڪاري قدم قرار ڏنو پيو وڃي. هوڏانهن ڀارت جي بچاءَ واري وزير راج ناٿ سنگهه چيو ته شنگهائي سهڪار تنظيم جي اجلاس جو ميزبان ملڪ سڀني رڪن ملڪن کي دعوت ڏيڻ جو پابند آهي.
