اسلام آباد (م ڊ) اطلاعات ۽ نشريات واري وفاقي وزير مريم اورنگزيب چيو آهي ته 2 ڪروڙ ماڻهن کي غربت جي لڪير کان هيٺ ڌڪيندڙ ۽ 60 لک کي بيروزگار ڪندڙ گاڏي مان ٻاهر نه ٿو نڪري سگهي ڇو ته ان کي خبر آهي ته مزدورن سان پنهنجي حڪومت ۾ ڇا ڪيو آهي. پنهنجي ٽوئيٽ ۾ هن چيو ته فارن فنڊڊ سازشي فتنو پاڻ گاڏي مان خطاب، منهن تي بالٽي وجهي سيڪيورٽي ۽ ماڻهو گرمي ۾ پيادل هلي هلي بي حال ۽ گاڏي ۾ ويهي پڇي رهيو آهي ته لڳي ٿو توهان ٿڪي پيا آهيو، ڪهڙو بي حس ۽ بي شرم ماڻهو آهي؟ پر ڇا ڪري ڪيئن نڪري گاڏي مان ٻاهر؟ 2 ڪروڙ کي غربت جي لڪير کان هيٺ ڌڪيندڙ ۽ 60 لک کي بيروزگار ڪندڙ گاڏي مان ٻاهر نه ٿو نڪري سگهي ڇو ته خبر آهي ته مزدورن سان پنهنجي حڪومت ۾ ڇا ڪيو آهي.
