لاهور (ويب ڊيسڪ) شاليمار ايڪسپريس ڪراچي کان لاهور تائين جي مسافرن لاءِ ڀاڙي ۾ 20 سيڪڙو جي غير معمولي لاٿ جو اعلان ڪري ڇڏيو. شاليمار ٽرين طرفان مسافرن لاءِ سٺي خبر آهي ته ڪراچي کان لاهور جي وچ ۾ هلندڙ شاليمار ايڪسپريس جي ڀاڙن ۾ لاٿ جو اعلان ڪيو ويو آهي، ان حوالي سان نوٽيفڪيشن پڻ جاري ڪيو ويو آهي. ريلوي ترجمان جي نوٽيفڪيشن موجب پهرين مئي کان 15 مئي تائين شاليمار ايڪسپريس ۾ سفر ڪندڙ ماڻهن لاءِ ڀاڙي ۾ 20 سيڪڙو رعايت هوندي، جڏهن ته 16 کان 31 مئي تائين سفر ڪندڙن کي 10 سيڪڙو رعايت ڏني ويندي.
