واشنگٽن (ويب ڊيسڪ) اڳوڻي آمريڪي ڪالم نگار جين ڪيرول اڳوڻي آمريڪي صدر ڊونلڊ ٽرمپ تي جنسي زيادتي جو الزام لڳائي ڇڏيو. رپورٽن موجب جين ڪيرول الزام لڳايو آهي ته اڳوڻي صدر ڊونلڊ ٽرمپ 27 ورهيه اڳ کيس جنسي زيادتي جو نشانو بڻايو هو، عورت جي عمر ان وقت 52 سال هئي. جين ڪيرول نيويارڪ ۾ جيوري آڏو پيش ٿي ۽ هن روئيندي چيو ته ڊونلڊ ٽرمپ ڊپارٽمينٽل اسٽور جي ڊريسنگ روم ۾ زيادتي جو نشانو بڻايو هو ۽ جڏهن هن حقيقت ماڻهن کي ٻڌائي ته ٽرمپ ڪوڙ ڳالهائي سندس زندگي تباهه ڪري ڇڏي. ٻي پاسي اڳوڻو صدر عورت پاران لڳايل الزامن جي ترديد ڪري چڪو آهي.
