سپريم ڪورٽ سي سي پي او لاهور غلام محمود ڊوگر جي بدلي روڪي ڇڏي آهي، سپريم ڪورٽ پاران سي سي پي او لاهور غلام محمود ڊوگر کي ٻيهر عهدي تي بحال ڪيو ويو آهي
سپريم ڪورٽ سي سي پي او لاهور غلام محمود ڊوگر جي بدلي روڪي ڇڏي آهي، عدالت ڪيس جو فيصلو جاري ڪندي غلام محمود ڊوگر جو ٽرانسفر آرڊر معطل ڪري ڇڏيو آهي
جسٽس منيب اختر چيو ته اليڪشن ڪميشن 26 جنوري تي سمورن آفيسرن جي بدلين جو پاڻمرادو حڪم ڪهڙي بنياد تي ڏنو، مسٽر ايڪس کي چئو ها ته صبر ڪريو، ڪميشن درخواست تي فيصلو ڪندو، گهڙي تمام تيز هلي رهي آهي، ٽڪ ٽڪ ٽڪ، 90 ڏينهن ختم ٿيڻ وارا آهن
۽ اليڪشن ڪميشن وڌيڪ وقت گهري رهي آهي
جسٽس اعجاز الاحسن پڇيو ته چيف اليڪشن ڪمشنر ڪٿي آهي، سيڪريٽري اليڪشن ڪميشن ٻڌايو ته چيف اليڪشن ڪمشنر جي طبيعت خراب آهي، پنجاب حڪومت 23 جنوري تي غلام محمود ڊوگر جي بدلي جي زباني درخواست ڪئي، 24 جنوري تي لکت ۾ درخواست آئي، 6 فيبروري تي منظوري ڏني وئي
عالت پنهنجي فيصلي ۾ چيو ته پنجاب ۾ مقررين ۽ بدلين وارو معاملو سپريم ڪورٽ جي 5 رڪني بئنچ وٽ التواءِ هيٺ آهي، نگران حڪومت پاران مقررين وارو معاملو سپريم ڪورٽ بئنچ کي اماڻي رهيا آهيون
عدالت جو چوڻ هو ته مسٽر ايڪس کي چئون ٿا ته صبر ڪري، غلام محمود ڊوگر جي بدلي روڪي وڃي، اليڪشن ڪميشن زباني بدلي ڪرڻ ڪو رڪارڊ پيش ناهي ڪيو
گذريل ڏينهن جسٽس اعجاز الاحسن ۽ جسٽس سيد مظاهر علي اڪبر نقوي تي ٻڌل ٻه رڪني بينچ ڪيس جي ٻڌڻي ڪئي هئي، عدالت جي طلبي تي ٻڌڻي جي ٻئي حصي ۾ چيف اليڪشن ڪميشن سپريم ڪورٽ ۾ پيش ٿيو هو
